FILINVEST DEVELOPMENT CORPORATION MIDONAR OG MGA FACE MASK UG VACCINE SA KAPITOLYO PROBINSYAL By: JANE SALIMBAO/PIO

Posted: September 16, 2021

241430219_2012241825609426_3057311833101341407_n

ISIP suporta sa padayon nga pakigbatok sa pandemya, daghan sa mga kompanya ug mga institusyon ang nagbuhat og mga lakang pinaagi sa pagdonar og mga medical supplies isip lakang aron mahimong COVID-19 free ang nasud sa Pilipinas.

Subay niini ang Panggamhanang Lokal sa Misamis Oriental nga gidumalahan ni Gobernador Bambi Emano nakadawat og donasyon sama sa face mask ug vaccines nga gialokar alang sa tibuok lalawigan gikan mismo sa Filinvest Development Corporation (FDC) Misamis Power Corporation katimbayayong ang TEMASEK Foundation nga usa ka Singapore-based.

Adlawng Lunes, Septiyembre 13, 2021 pormal nga gitunol sa nasangpit nga mga kompanya ang 100,000 kabouk nga surgical face mask ug 30 ka vials sa Aztrazeneca Vaccines nga magamit sa 150 ka mga indibidwal sa  una ug ikaduhang dosis niini ubos sa FilVax kon Filinvest Vaccination Program.

Tumong sa maong donasyon nga girepresentahan ni FDC Utilities Incorporated Vice President for Project and Construction niini nga si Engr. Luis S. Lagarnia Jr. kauban ang mga opisyales niini nga maabagan ang tanang LGU sa pakigbatok sa COVID-19 nga pandemya.

“Our company prioritizes the safety and well-being of everyone and because of that we are here today. With the rest of the Filinvest Group, FDC-Misamis assured the province of Misamis oriental with its support rest assured that we will remain your pro-active partner as we made significant moves towards serving our country recover from this pandemic,” matud ni Engr. Lagarnia.

Mapasalamaton kaayo si Gobernador Bambi sa gialokar sa maong korporasyon ug foundation tungod kay dako kini og kahimoan ug tabang alang sa tanang lumulupyo sa lalawigan.

“Thank you very much once again for helping the people of Misamis Oriental. I have been saying sir, with your kindness you spoiled us already in Misamis Oriental,”matud ni Gobernador Bambi Emano.

Dili kini maoy unang higayon nga mihatag og tabang ang maong kompanya sa Kapitolyo Probinsyal.

Kahinumdum nga sa milabay nga tuig 2020, ang lalawigan usab nakadawat og ayuda gikan niini lakip na ang PPE ug mga face shield nga gitagana alang sa mga frontliners sa probinsya.

Laumang maapod-apod kini ngadto sa walo ka mga balay tambalanan sa Misamis Oriental, mga frontliners, magtutudlo ug checkpoints personnel sa lalawigan.

“FDC have always been a partner, thanks to the men and women of FDC and the TEMASEK foundation for your kindness, for not only giving delivery stable of power supply for the province of Misamis Oriental but helping us fight COVID especially with the donation of additional face mask which will be used by our medical professional, we will also distribute to our checkpoints in the province and we will give to 8 hospitals in Misamis Oriental,” malipayong sulti ni Gobernador Emano.

Kanunay nga mapasalamaton si Gobernador Bambi Emano sa walay hunong nga suporta gikan sa nagkalain-laing organisasyon ug kompanya sa lalawigan sa Misamis Oriental nga nakig-abag sa amahan sa padayun nga pakigbatok sa COVID-19 nga pandemya.