FREE SPAY AND NEUTER, NAGMALAMPUSON!

Posted: July 3, 2019

51050934_2147578865280675_5275095974161678336_n

Nagmalampuson ang gipahigayon sa taga Provincial Veterinary Office nga free spay and neuter kon pagkapon ug pagkuha sa matres kagahapong adlawa, Martes, Hunyo 11, 2019 ngadto sa kapin 50 ka mga iring ug iro sa lungsod sa lungsod sa Claveria. Ang maong spay and neuter gisugdan alas otso sa buntag hantod sa alas singko sa hapon didto sa ilang municipal covered court.

Kini gipahigayon sa taga Provincial Veterinary sa tumong ug tinguha nga makatabang sa pagkunhod sa ihap sa mga iro ug iring hilabina sa mga nakapanag-iya sa mga binuhing iring ug iro nga dili maka-mintinar sa pagpa-inject ug anti-rabies.
Gawas sa spay and neuter aduna puy gihatag nga libreng anti-rabies vaccination sa mga iro ug iring nga wala pa nakabaton niini.

Dako kini nga oportunidad para sa mga cat ug dog owners tungod kay kung sila magpa-spay and neuter sa mga pribadong clinics ug hospitals mukabat sa 2, 000-3, 000 ang magasto sa pagpa-neuter kon kapon para sa mga lalaki nga iring ug iro, samtang 6,000-9,000 ang magasto sa pagpa-spay kon pagkuha sa matres para sa mga babae nga iring ug iro.