GAISANO, MIDONAR OG P100,000 SA MISOR

Posted: May 27, 2020

27052020-1

ISA sa mga inila nga dakung tindahan sa dakbayan sa Cagayan de Oro mitunol og P100,000 ayudang cash ngadto sa kapitolyo probinsiyal sa Misamis Oriental niadtong Mayo 20, 2020.
Matud sa management sa Gaisano, Inc. ang maong donasyon isip ilang kontribusyon sa paningkamot ni Gov. Bambi Emano ug Provincial Task Force for COVID-19 chief Dr. Jerie Calingasan nga maproteksiyonan gayud ang katawhan sa lalawigan ug sa dakbayan batok ning makamatay nga coronavirus disease 2019.
Lakip nakalista sa Transparency Donation Board ni Gov. Emano ang nasangpit nga donasyon gikan sa Gaisano.