GOB. BAMBI: GI-RESPETO KO ANG KINAIYAHAN SA MGA LUMAD

Posted: August 6, 2018

37363750_241639056447120_8835700188409495552_o

[et_pb_section admin_label=”section”][et_pb_row admin_label=”row”][et_pb_column type=”4_4″][et_pb_text admin_label=”Text” background_layout=”light” text_orientation=”left” use_border_color=”off” border_color=”#ffffff” border_style=”solid”]

SAMTANG gi-respetuhan ni Gobernador Bambi Emano ang katungod sa mga lumad, respetado usab niini ang ilang ritwal pag-protehir sa kinaiyahan nga maoy kabilin sa ilang mga katigulangan.
Giluwatan kini sa gobernador atol sa unang round sa ilang panagtagbo niadtong Martes, Hulyo 17, kauban ang mga kadagkoan sa mga lumad gikan sa Sitio Kamansi, Brgy. Banglay, Lagonglong.
Kini, human usab mipadangat ang mga lumad ngadto kang Gobernador Bambi nga tabangan sila pagbatok sa mga pang-abuso sa kinaiyahan sa ilang lugar.
Sa ilang yangongo, matud pa nila, dili lamang gayud hilabtan ug pasipad-an ang kinaiyahan nga sulod sa nanglabay nga katuigan, hangtud karon ilang gipanalipdan.
Hilabina ang hot spring sa Lagonglong nga bililhon alang kanila diin sa ilang pagtuo nahimong puluy-anan sa mipanaw nilang minahal sa kinabuhi ug ninuno.
Matud sa gobernador mismo siya nagtamod sa panawagan nga panalipdan gayud ang kinaiyahan hilabina kinabuhi kini alang sa kadaghanan sa molupyo sa lalawigan sa Misamis Oriental pinaagi sa programang turismo.
Kini ang pinakauna sa walo ka haligi nga nagtuko sa programang turismo ni Gobernador Bambi Emano.

[/et_pb_text][/et_pb_column][/et_pb_row][/et_pb_section]