GOV. BAMBI: EDUKASYON, BUGTONG HINAGIBAN SA MAAYONG KAUGMAON

Posted: March 16, 2020

88993339_559378338006522_4736215777676361728_n

WALAY sama ang edukasyon nga makab-ot sa kabatan-onan isip hinagiban alang sa pagkab-ot sa ilang maayong kaugmaon ug mga damgo sa kinabuhi. Mao nga pahimuslan gayud unta nila ang mga higayon nga sila makatungha pinaagi sa paningkamot sa ilang mga ginikanan ug libreng edukasyon nga ihalad kanila gikan sa kasamtangang pamunuan karon sa Misamis Oriental.

Kini ang hangyo’g panawagan ni Gobernador Bambi Emano ngadto sa kabatan-onan nga nagdamgo sa pagkab-ot sa maayong kaugmaon samtang nangita kini sa 2,000 ka examiners ngadto sa Philippine Science High School sa Lanao del Norte, libre sa tuition ug duna pa gayud allowance.

Karong Oktubre adunay ipahigayon nga entrance examination sa tanang interesado sa scholarship grant ni Gobernador Bambi Emano. Basta taga-Misamis Oriental ka, duol lang kang Board Member Kerwin Sodevilla o kaha kang Provincial Youth Development Office (PYDO) head Ms. Allyn Penalosa dinhi sa kapitolyo probinsiyal.