DILI ikalimod nga ang kaabtik sa liderato ni Gobernador Bambi Emano dalaygon ug napaila na dili lamang sa probinsya apan sa tibuok nga Rehiyon.

Sa kasaulogan sa culmination sa Regional Development Council (RDC)-10 Week, giila si RDC-Infracom Committee Chairperson Gobernador Bambi Emano isip usa sa adunay dakong ambag og kontribusyon sa kalamboan sa tibuok Rehiyon 10.

Adlawng Biyernes, Septiyembre 24, 2021 giila kini isip Development Partner Award sa Special Citations sa gipahigayon nga RDC Xcellence o Amihanan Awards 2021 pinaagi sa zoom.

Ang selebrasyon adunay tema nga, “Advancing Regional Development  amidst the pandemic” nga nagpasabot sa makanunayon ug kalig-on sa lain-laing mga ahensya sa rehiyon ug mga LGU kalabot sa mga kalambuan pinaagi sa mga plano ug programa nga naambag sa komunidad bisan sa panahon sa pandemya.

Sulod sa hapit siyam nga tuig sa pagserbisyo sa lalawigan, tipik pa lamang kini sa mga pag-ila nga gihatag ngadto sa amahan sa lalawigan Gobernador Bambi  tungod sa walay puas nga paningkamot nga dala niini sa lalawigan sa Misamis Oriental.