GOV. BAMBI GIHATAGAN OG SPECIAL AWARD SA PNP AVSEGROUP

Posted: August 17, 2020

17082020-2

GIPASIDUNGGAN si Misamis Oriental Governor Bambi Emano atol sa kasaulogan sa ika-29 ka tuig nga anibersaryo sa Philippine National Police Aviation Security Group (AVSEGROUP) nga gilangkuban sa 90 ka domestic airport ug 11 ka international airport sa nasud sa Pilipinas, kini nahitabo niadtong Agosto 11, 2020 pinaagi sa zoom conference.

Usa ka individual special award plaque of recognition ang nadawat sa gobernador sa probinsya gikan sa AVSEGROUP kon diin mao kini ang police unit nga naghatag seguridad sa tanang tugpahanan sa tibuok nasud.

Gawas kang Governor Bambi, pipila pa ka mga opisyal sa nagkalain laing Local Government Units (LGU) sama ni Davao Mayor, Hon. Sara Duterte ug mga police nga dako ug kabahin sa Aviation Security ang gipasidunggan.

Mipaabot sab si Governor Bambi sa iyang dakong pasalamat ngadto sa AVSEGROUP sa pag-ila sa iyang natampo sa organisasyon ug mipasalig nga kutob sa iyang mahimo padayon nga suportahan ang unsa man ilang panginahanglan labina kini sila kabahin sa padayon nga kalinaw nga natagamtaman sa lalawigan ug tigprotektar batok sa mga dautan nga bout mosulod sa lalawigan.