GOV BAMBI NAGHANGYO SA MISAMISNON NGA DILI MAGKUMPIYANSA SA DENGUE

Posted: June 22, 2020

22062020-16

TALIWALA paman taas ang pag-ubos sa ihap sa kaso sa dengue ning tuig dinhi sa lalawigan sa Misamis Oriental.
Bout sa amahan sa lalawigan Gobernador Bambi Emano nga doblehon pa ang pagpaningkamot sa pakigbatok niini.
Matud ni Governor Bambi nga kung ang corona virus disease sagad naapektuhan ang mga hingkod ang edad kining makamatay sab nga lamok gakaapektuhan niini ang mga kabataan.
Dugang niini nga di nagpasabot kay niubos ang kaso sa lalawigan angayan na kining kumpiyansahan inay hinoun angayan nga bantayan ug doblehon ang pagbatok niini.
“Dili gyod ta kumpiyansa kay bag-o pa nagsugod ting-ulan kung nagmalumposon atong programa sa karon nga tuig di pasabot nga magpahulay nata, samot atong hugotan kung unsa atong gibuhat niagi doblehon pa nato kay bag-o nagsugod ang ting ulan,” matud ni Gov. Bambi.
Pag-abot sa dengue dili bout ni Governor Bambi nga pahugakan ang pagbatok niini.
“I’ll never put my guard down when it comes to dengue kay igoon niini ang mga bata, delikado atong mga anak, ang lamok nagdala sa maong sakit,” dugang niini.
Gibutyag sab niini nga kung pundo ang hisgotan sa pakigbatok niini wala maputol ang programa kabahin niini.
“Wala maputol atong programa ug pundo labina sa panglawas hangtod karon grabe karon atong hugot nga programa sa panglawas,” matud ni Gov. Bambi.