GOV. BAMBI, NALIPAY PAGWALA SA TRAVEL AUTHORITY

Posted: June 22, 2020

22062020-25

GIKALIPAY uyamot ni Gov. Bambi Emano nga giwala na sa Department of Interior and Local Government (DILG) ug Department of Health (DOH) ang travel authority isip rekisitos aron makasulod ang indibidwal sa silingang probinsiya sa Rehiyon 10.
Gibati ni Gov. Emano ang kahasol ug istorbo sa panarbaho ug negosyo sa mga tawo tungod niining gipatuman nga travel authority bisan tuod categorized “low-risk” na ang Rehiyon 10 kung hain nahimutang ang Misamis Oriental.
Mao nga human gipaubos sa Modified General Community Quarantine (MGCQ) ang lalawigan niadtong Hunyo 1, 2020, giwagtang na ang “travel pass” isip rekisitos aron makasulod ug gawas ang katawhan sa nasangpit nga probinsiya. Apan, napulihan sa travel authority nga mando sa DILG ug DOH, maong nahasol og samot ang katawhan tungod sa mas daghang requirements una pa makalukat niini.