GOV. EMANO, BILIB SA MAYORES SA MISOR

Posted: April 23, 2020

92229215_582584142352608_5435647267639918592_o

KUNG duna man angayan pasalamatan kon ngano nagpabiling zero-COVID19 positive case ang Misamis Oriental, kana tungod sa mga mayores ug kapitanes nga relihiyosong mitamod sa kamanduan ni Gov. Bambi Emano ubos sa Executive Order No. GYVBE No. 2020-008-A, kon gipahimutang sa General Community Quarantine ang tibuok lalawigan.

Lakip mga health workers ug uban pang frontliners sa kalungsuran, matud ni Gov. Emano, daku’g papel kon ngano nagpabiling luwas ang Misamis Oriental sa makamatay nga sakit, samtang ang ubang probinsiya sulod sa amihanang Mindanao, aduna nay natakboyan ug mitala na og kaso sa COVID-19. Ang pinakaulahi niining natala gikan sa Butuan City ug Probinsya sa Camiguin. Ang Cagayan de Oro, adunay usa; Lanao del Norte, usa; Misamis Occidental, usa; ug Iligan, usa.

“Maayo ang lakaw buyag. Thanks to the mayors and Brgy. Captains. But we cannot be complacent nga masudlan ta. We have to strengthen our defense. Ang uban, kay hapit na mahuman (ang quarantine), kompiyansa na hinuon. Kita, dili. We will work with health, vet, DRRMOs with the nine days left until we lift General Community Quarantine,” hangyo ni Gov. Emano.