GOV. EMANO ENVISIONS MISOR AS ‘CHOCOLATE CAPITAL’’

Posted: March 16, 2020

89453530_564625414148481_3780429221801754624_o

DILI tiaw ang suporta nga gitunol ni Gobernador Bambi Emano sa cacao planters dinhi sa Misamis Oriental. Pundo, technical assistance ug service facilities, maoy nadawat sa cacao farmers. Maoy hinungdan nakasulti ang mga kadagkoan sa Department of Trade and Industry (DTI) nga seryoso gyud diay ang gobernador nga gilantaw niining mahimong “chocolate capital” ang Misamis Oriental dinhi sa Northern Mindanao.

Gani, nag-turnover na sa Cacao Post-Harvest Facilities and DTI-Misamis Oriental Provincial Office ngadto sa mga mag-uuma sa cacao dinhi sa lalawigan atol sa sinemanang pagpakayab sa nasudnong bandila sa kapitolyo, Marso 9, 2020.

Kini, matud ni DTI-MisOr Provincial Director Almer Masillones, ubos sa DTI-Shared Service Facility (SSF) tali sa pangagamhanang lokal sa Misamis Oriental, pinaagi ni Gobernador Emano, nga nagkantidad P800,000.

Ang gi-turnover nga pasilidad gitunol sa lima ka lungsod kung diin natukod ang Misamis Oriental Cacao Industry Development Association (MOCIDA), lakip sa lungsod sa Claveria, Alubijid, Opol, Gingoog City, ug Manticao. Lakip sa pasilidad naglangkob sa solar dryer ug fermentation box.

Butyag pa ni Dir. Masillones, adunay 3,067.22 ektarya nga plantasyon sa cacao dinhi sa Misamis Oriental nga nakahatag panginabuhian sa mikabat 3,071 ka mag-uuma nga posibleng dili mahatagan sa katumanan kung walay igong suporta sa amahan sa lalawigan.

“We are happy that the good governor is very willing to ask on what support he can give for our farmers. He only sees kung unsa iyang ma-compliment to National Government project. Daghan kaayo ta proyekto sa probinsya nga dili ni siya ma-fully operationalize had it not been tungod sa iyang suporta,” sulti pa ni PD Masillones.