GOV. EMANO, GIMANDO ANG HUGOT NGA DEPENSA BATOK COVID-19

Posted: April 23, 2020

92010145_581983122412710_6856659930783416320_n

SIYAM ka adlaw na lang una pa mahuman ang General Community Quarantine dinhi sa Misamis Oriental. Bisan pa tuod walay natalang kaso nga nagpositibo sa COVID-19 sa lalawigan, kinahanglan pahugtan pa hinuon ang depensa sa pangagamhanan batok sa makamatay nga sakit.

“Maayo ang lakaw buyag. Thanks to the mayors and Brgy. Captains. But we cannot be complacent nga masudlan ta. We have to strengthen our defense. Ang uban, kay hapit na mahuman (ang quarantine), kompiyansa na hinuon. Kita, dili. We will work with health, vet, DRRMOs,” hangyo ni Gov. Emano.

Aron magpadayon ang hugot nga koordinasyon sa matag buhatan sa kapitolyo probinsiyal sa Misamis Oriental, gimanduan ni Gov. Emano si Provincial Administrator Atty. Jocelyn Lood-Mateo nga magpakanaug og memorandum alang sa tanang ulo sa departamento kon Misamis Oriental Department Heads Association (MODHA) nga bukas kanunay ang ilang telepono ug on-call sila kanunay 24/7 hilabina kon kinahanglan ang ilang presensiya aron desisyonan ang angayan mahitungod sa hugot nga depensa batok sa gikalisangang kagaw.