GOV. ROMUALDO SA CAMIGUIN, MAPASALAMATON KANG GOV. EMANO

Posted: April 23, 2020

93374130_588549548422734_8291567337115484160_o

MAPASALAMATON uyamot si Gobernador Jurdin Jesus ‘JJ’ Romualdo sa Camiguin sa tanang lakang nga gihimo ni Gobernador Bambi Emano alang sa pagpakgang sa coronavirus disease 2019 (COVID-19) dinhi sa Misamis Oriental. Matud ni Gov. Romualdo, tungod sa kahugot sa seguridad nga gipatuman sa Misamis Oriental, lakip ang Camiguin nahimong luwas, ug hangtud karon isa lang ka kaso sa nagpositibo sa iyang probinsiya.

Gipaabot ni Gov. Romualdo ang iyang pagpasalamat kang Gov. Emano atol sa ilang interview sa Laging Handa Network Briefing kauban si Presidential Communications Operations Officer Sec. Martin Andanar niadtong Abril 12, 2020.

“Salamat na narinig ko rin kay Governor Bambi na strikto rin ang Misamis Oriental,” segun pa ni Gov. Romualdo.

Kahinumduman nga sa dihang mitala sa usa kaso sa COVID-19 ang lalawigan sa Camiguin, gipahugtan pa ni Gov. Emano ang seguridad sa Balingoan Port sa Balingoan, Misamis Oriental, kung diin mogawas-sulod ang pasahero ug salakyan padulong sa Camiguin.