MISAMIS ORIENTAL: Gi-endorso ni Provincial Governor Pedro M. Unabia ang paghatag ug mga motorsiklo para sa mga pulis sa matag munisipyo ning lalawigan.
Gibutyag ni Gov. Unabia nga andam ang lalawigan paghatag sa duha ka motorsiklo matag munisipyo. Gitumbok usab ni Unabia ang kamahinongdanon sa hugot nga kooperasyon sa mga lungsod ug siyudad aron mintinahon ang kahusay ug kalinaw sa lalawigan.
Subay niini gikalipay sa kapolisan ang nahisgutang suporta sa PNP gikan sa lalawigan. Ang suporta sa kapolisan gipadayag sa gobernador sa gihimong Peace and Order council meeting sa dakbayan sa Cagayan de Oro.

By: NEFILIM DIAZ/PIO

HULAGWAY KUHA NI MARVIN GILIG/PIO