MISAMIS ORIENTAL: Gimando-an ni Governor Pedro M. Unabia ang Provincial Veterinary Office nga imbestigahan ang gidudahang illegal nga palusot sa 74 ka buhing baboy sa lalawigan.

Kini human masuta sa gobernador nga dunay cargo truck nga nakalusot nga dunay karga sa mga baboy nga wala natarong og inspeksyon sa Lugait quarantine checkpoint.

Matod ni Provincial Veterinarian Benjamin Resma nga gikan ang mga baboy sa Zamboanga og nadakpan ang kustomadong cargo truck ni-ini sa syudad sa Surigao ni-adtong Agusto 5 tungod sa “kakulangon sa mga papeles.”

Gi-ingon ni Resma nga ni-agi ang cargo truck sa mga quarantine check point sa Lanao del Norte ug Iligan City sa wala pa kini misulod sa Lugait, Misamis Oriental.

Gidugang ni Resma nga gikustodiya sa PROVET ang mga baboy sa Magsaysay quarantine checkpoint human nakig koordinar ang Surigao LGU nga i-uli ang mga baboy sa ginikanang probinsya.

Gipaubos sa blood analysis sa PROVET ang mga nadakpan nga baboy ug miresulta nga negatibo sa African Swine Fever (ASF) sa wa pa kini gi-turn over sa syudad sa Iligan ni-adtong Agusto 8, ning tu-iga.

By: NEFILIM DIAZ/PIO