GOVERNOR BAMBI WALAY PUAS ANG PAG-ABAG SA EDUKASYON

Posted: August 13, 2020

13082020-5

SUBLI nga misuporta si Governor Bambi Emano sa sektor sa edukasyon human kini midonar ug usa ka computer set ug isa ka printer ngadto sa Mimbuli Elementary School nga nahimutang sa lungsod sa Salay, Misamis Oriental.

Sulod sa opisina sa gobernador atol sa gipahigayon nga virtual flag raising ceremony adlawng Lunes, Agusto 10, 2020 ang computer set ug printer nga nagkantidad ug P85,000 personal nga gidawat ni Ms. Vaniza Baculanta kinsa Head Teacher I sa Mimbuli Elementary School.

Nagpadayag sa iyang kalipay ug pasalamat si Ms. Baculanta ngadto kang Governor Bambi sa pag donar niini sa maong mga kagamitan bisan paman sa panahon nga nakigbatok ang lalawigan sa Corona Virus Disease (Covid-19).

Dugang niini nga ang computer set ug printer dako kaayo ug tabang sa ilang mga gimbuhaton labina gyud sa printing sa ilang mga learning modules nga gamiton karon nga naay kabag-ohan sa pamaagi sa pagtudlo tungod sa pandemya.

Nag-andam sab sa virtual nga pagpasalamat ang iyang mga kaubanan sa Mimbuli ngadto sa amahan sa lalawigan nga gikahimoot sab og dako sa gobernador.

Gipadayag ni Governor Bambi Emano nga taliwala sa pandemya dili mapasagdan ang mga sektor nga nanginahanglan ug suporta ug magpadayon ang tiunay nga serbisyo alang sa katawhan sa Misamis Oriental.