Misuroy si Misamis Oriental Provincial Governor Peter M. Unabia sa usa ka landing dock ship sa Philippine Navy, ang BRP Tarlac (LD601) pinaagi sa imbitasyon ni Commanding Oficer Emerso F. Oxales (GSC) ning bag-o lang.

Atol sa maong pagbisita, gipakita sa mga personahe sa BRP Tarlac ang shipboard diin nagpahigayon sila og briefing kabahin sa kapasidad ug function sa barko lakip ang mga nagkalain-laing kagamitan niini.

Kauban sa maong Shipboard Tour sila Commission on Human Rights-10 Regional Director Atty. Jean Ivy Abrena, Technical Education And Skills Development Authority-13 Regional Director Tarhata S. Mapandi ug uban pa.

Kini nga kahigayonan dako og opurtunidad alang sa amahan sa probinsya nga masaksihan ang mga kalihokan sa Philippine Navy diin saludo kini sa ilang tiunay nga serbisyo sa pagpanalipod sa kadagatan sa probinsya ug rehiyon.

By: Jane Salimbao/PIO