HUGOT ang suporta sa inahan sa lalawigan Governor Juliette Uy alang sa Programang Enhanced Comprehensive Local Integration Program (E-CLIP) sa lalawigan tungod niini gipahigayon ang 1st Quarterly Meeting adlawng Biyernes – Pebrero 27, 2026. Ang E-CLIP usa ka programa nga gihingusgan pag-ayo sa Gobyerno nga walay lain tumong ug tinguha nga matabangan ang mga kanhi walhong grupo nga mabalik ang ilang pagsalig ngadto sa Gobyerno ug magpuyo sila nga malinawon nga dili magtago, dili mahadlok ug dili motoo sa sayop nga mga idelohiya ug sila maedukar nga anaa ang kagamhanan mosapnay ug magsuporta sa ilang panginahanglan ug motabang sa ilang malinawon nga pagpuyo sa usa ka komunidad
Sa panagtagbo gihisgotan ang sitwasyon sa kahusay ug kalinaw sa lalawigan lakip lakang ug tabang nga masiguro nga ang pagsurender sa mga kanhi walhong grupo adunay usa ka holistic benefits nga mahimo nilang magamit sa ilang bag-ong kinabuhi sulod sa gobyerno sama sa tabang sa panginabuhian, medikal, edukasyon ug puluy-anan. Ang kalihokan gipangunahan sa kagamhanan sa Misamis Oriental ubos sa Provincial Social Welfare and Development Office (PSWD) sa pagpangulo ni Jhunleymar Abella kauban ang mga ang mga nasyonal nga ahensya.
Kahinumduman ang andam ang Probinsya sa pagpanguna ni Governor Uy makipag-alayon ug makipagtimbayayong sa mga nasudnong ahensya ug lokal nga kagamhanan aron mapalawig pa ang implementasyon sa Programa.
By: Ellen Mae Lahinao/PIO
Hulagway kuha ni: Marvin Gilig/PIO
