NAGPAHIGAYON og Courtesy Call ang Department of Social Welfare and Development (DSWD) ngadto kang Governor Juliette Uy aron ipresentar ang ilang PILOT Program nga maong ang Peace and Development Program and Services nga nagtumong sa pagpalig-on sa kalinaw ug pagpauswag sa panginabuhi sa Misamis Oriental. Sa maong panagtagbo , gipakita sa DSWD ang nagkadaiyang serbisyo ug programa nga naghatag suporta sa komunidad nga naapektohan sa kagubot ug lakip na ang livelihood Assistance.
Dako ang pasalamat ni Social Welfare Officer IV Atty. Edgar Requilme ni Governor Juliette Uy sa makanunayong suporta sa inahan sa lalawigan sa mga programa sa ilang Opisina. Gidawat ni Governor Uy ang delegasyon ug mipadayag sa iyang dakong suporta sa mga inisyatiba sa DSWD ilabi na ang mga programa nga nagpalig-on sa kalinaw ug kalamboan sa lalawigan. Ang maong kortesiya usa ka lakang padulong sa mas hugot nga panag-uban tali sa DSWD ug kagamhanang probinsyal sa paghatag og mas epektibo nga serbisyo alang Misamisnon.
Kahinumdoman nga ang Pagtutok sa Social Protection sa katawhan mao ang usa sa haligi ni Governor Uy subay sa BANGON Strategic Agenda.
By: Ellen Mae Lahinao/PIO
Hulagway kuha ni: Marvin Gilig/PIO
