GUEST SPEAKER SA INDEPENDENCE DAY, NAKADAYEG SA MISAMIS ORIENTAL!

Posted: July 3, 2019

Dr.Lorenzo Dinlayan

Nagsilbing guest speaker si Dr. Lorenzo Dinlayan III, usa ka professor sa Public Administration ug ulo sa Government Affairs Department sa Bukidnon State University sa Malaybalay, probinsya sa Bukidnon, atol sa Independence Day celebration nga giselebrar sa Kapitolyo Probinsyal.
Atol sa iyang speech, gipaabot ni Dinlayan ang iyang pagdayeg sa pamunoan ni Governor Bambi Emano gumikan sa dili tiaw ug mga dagkong pasidungog nga mga award nga naangkon niini.

“Kamo ang adunay pinakaubos sa poverty incidence this is because you provided the delivery of basic services and contributed to alleviate poverty. Klaro ang bisyon ug direksyon sa Misamis Oriental nga kinahanglan makaabot sa pinakaubos nga hut-ong sa katilingban ang serbisyo,” matud niini ug aminado nga gikaibgan kini sa Bukidnon. Dumduman ang Misamis Oriental ang nakakab-ot ug back-to-back Seal of Good Local Governance gikan sa DILG.
Miingon sab kining ilado ang probinsya sa Misamis Oriental kay giila kini sa NEDA nga gateway of Mindanao nga nagpasabot nga tanan transportasyon, produkto, ug uban pa, ang probinsya maoy una nga aginana.

Gawas niini giila sab ang lungsod sa Laguindingan nga anaa gihapon Makita sa lalawigan nga pinakahinlo nga coastline sa tibuok Pilipinas nga dili mabasta-basta. Gipakigbisogan sab sa probinsya nga walay malnutrisyon ug nagmalampuson kini, lakip na nga giilang usa sa premier tourist destination sa Northern Mindanao. Dugang ni Danlayan nga adunay mga hagit sa lalawigan nga kinahanglan nga malampasan.
Gipaabot sab niini nga natapos na ang eleksyon ug panahon na nga ibalik ngadto sa katawhan ang plataporma nga gisaad atol sa kampanya.
“Elections are over, people have spoken, people have chosen, now, it is payback time to recall our speeches and consolidate our platforms of government as local government officials or employees in the government as we make laws or public policies let us be reminded that part of our mandate is to protect our people from harm, to make them live in the same selfless and secure community,” sulti pa niini.

“As President Rodrigo Duterte has once said: no leader however strong can succeed at anything of national importance unless he has a support and cooperation of the people he has task to lead and sworn to serve,” maundanon nga mensahe niini ngadto sa mga dagkong opisyal nga mitambong sa kalihokan sama sa ulo sa departamento sa kapitolyo, mga board member, tinun-an, magtutudlo, kapulisan, ug kasundalohan.