HAZARD PAY SA HOSPITAL FRONTLINERS, GIPAGAWAS NA

Posted: May 29, 2020

29052020-6

GISUGDAN na niadtong miaging semana ang pag-apod apod sa kapitolyo probinsyal sa Misamis Oriental sa hazard pay sa tanang empleyado sa walo ka Misamis Oriental Provincial Hospital (MOPH) sa Talisayan, Manticao, Magsaysay, Initao, Gingoog City, Claveria, Balingasag, ug Alubijid.
Hinay-hinay nang nakadawat ang hospital frontliners sama sa health workers, nurses, medical staff, ug doctors, kinsa maoy anaa sa unang linya sa pakigbatok sa coronavirus disease 2019.
Padayon pa gihapon karong panahona ang pag-apod apod sa dugang suholan sa nasangpit nga frontliners, kinsa padayon pa gihapon karon sa pakigbisog nga magpabiling “zero-confirmed case” ang Misamis Oriental sa nagpositibo sa COVID-19.