HONORARIUM SA BNS NGA I-RELEASE UNTA SA 2ND QUARTER NAPUGNGAN

Posted: July 8, 2020

872020-1

NAGDAHOM si OIC-Provincial Nutrition Officer Ms. Marites Gomez nga sa mas dali unta nga panahon malibkas ang Temporary Restraining Order (TRO) nga gipagawas sa Regional Trial Court, Branch 24 nga nagpugong sa implementasyon sa Annual Budget.
Kini gumikan kay lakip napugngan niini ang plano na unta sa buhatan nga mahatagan ug honorarium ang 561 ka mga BNS kon Barangay Nutrition Scholars alang sa 2nd quarter niining bulan sa Hulyo, sumala pa ni Ms. Gomez nga aprobado na kini ni Gobernador Bambi Emano ug andam na nga ipanghatag unta sa umaabot Hulyo 27 apan TRO dili usa kini mahatag sa mga BNS.
Dugang niini nga maghatag usab og steel rule alang sa mga munisipyo sa Misamis Oriental nga nanginahanglan niini kini aron makatabang sa pagmonitor sa katas-on sa mga kabataan.
Gitakdang hatagan sab ang 13 ka munisipyo ug tag P10,000 ka pesos nga nagsunod-sunod ang pagkunhod sa prevalence of stunting 0-59 ang pangidaron nga kober gikan sa 2017 hangtud 2019 ning tuiga. Kining tanan gipreparar na alang sa selebrasyon sa ika-46 nga kasaulogan sa Nutrition Month sa tibuok nasud.
Dugang ni Ms. Gomez nga kini nga mga lakang makatabang sa katawhan sa lungsod labina ning giatubang ang krisis sa panglawas hatod sa Corona Virus Disease (Covid-19).
Nanghinaut sab si Ms. Gomez nga sa dali nga panahon malibkas kining TRO ug mahatagan og kasulbaran aron matunol ug mahatag ang angayan nga mahatag sa kabarangayan ug kamunisipyuhan sa lalawigan ug labaw sa tanan mahatagan katumanan ang pagsaulog sa Nutrition Month.