IKA-13 ANIBERSARYO SA IKNB, KANSILADO

Posted: February 21, 2020

img_00101

KANSILADO ang kasaulogan sa ika-13 nga anibersaryo sa Iskolar Ko Ni Bambi (IKNB) lakip ang general assembly sa mga benepisyaryo niini karung Pebrero 14, 2020, Valentine’s Day, dili sa unsa nga kakulian, apan tungod sa hulga sa novel coronavirus acute respiratory disease (NCoV ASD).

Mas gipili ni Gobernador Bambi Emano ang siguridad sa mga kabatan-onan pinaagi sa pagsibog sa schedule sa silibrasyon, tungod dili lalim nga mataptan sa nasangpit nga virus ang kabatan-onan, mas daku na hinuon ang problema nga sagubangon sa tanan.

Wala pay tataw nga schedule kon kanus-a ipahigayon ang duha kalihukan, ug kinahanglan pa hulatan ang anunsiyo sa Department of Health (DOH) kon luwas nang magpahigayon sa panagtapok ang kabatan-onan.

Sa pagkakarun, adunay 3,500 kapin ang kamulo pang gisuportahan ni Gobernador Bambi Emano nga benepisyaryo sa nasangpit nga scholarship program, gawas pa niini ang nakahuman sa ilang pagtungha nga mikabat sa 22,500 sukad natawo ang programang pang-edukasyon sa amahan sa lalawigan. Lakip niini ang nagkuha’g four-year degree sa koliheyo ug technical-vocational courses.