NAGPAHIGAYON ang Kagamhanang Probinsyal sa 28th Commemoration of the Flight 387 niadtong Pebrero 2, 2026 sa Cebu Pacific Flight 387 Shrine, Aposkahoy, Claveria. Usa ka tinuig nga kalihokan sa probinsya ang katiguman, isip pagdumdom sa mga nipanaw sa trahedya niadtong Pebrero 2, 1998 sa maong lungsod nga mikutlo sa kinabuhi 104 ka tao lakip ang crew members niini. Giingong nabangga ang eroplano sa Mount Sumagaya sa Claveria tungod sa grabehan nga gabon sa maong dapit.
Gipangunahan ni Governor Juliette Uy ang wreath laying ug blessing sa shrine uban sila Gingoog City Vice Mayor Tadoy Lugod ug Claveria Vice Mayor Alfred Azcuna. Samtang gipasalig ni Governor Uy nga paninduton pa ang shrine tungod kay usa kini sa mga tourist destination sa Misamis Oriental aron makita sa katawhan ang kahapsay ug kamalinawon niini nga lugar.
Makahatag usab kinig dugang oportunidad sa katawhan nga madugangan ang ilang panginabuhian subay sa pagpatuman sa BANGON strategic agenda ni Governor Juliette Uy.
By: Nefilim Diaz/PIO
Hulagway kuha ni: Jezreel Ecuacion/PIO
