MOKABAT sa 2,533 ka Iskolar Ko ng Bayan (IKNB) grantees ang nakadawat og P3, 000 nga financial assistance adlawng Martes- Hulyo 28, 2026. Kini isip padayon nga suporta sa Kagamhanang Probinsyal ubos sa liderato ni Governor Juliette Uy alang sa Edukasyon sa mga kabatan-onan. Ang maong pinansyal nga tabang gitumong aron makatabang sa mga estudyante sa ilang adlaw-adlaw nga panginahanglan sa eskwelahan, lakip ang plete, mga gamit sa pag-eskwela, ug uban pang gastuhon aron makapadayon sila sa ilang pagtuon.
Dako ang pasalamat ni Charles Dave Indac nga usa ka Education Student ug benipisyaryo sa Iskolar ko ng Bayan sa maong pinansyal nga tabang nga iyang nadawat. Matud pa niya, dako kini og ikatabang sa pagpalit sa iyang mga kinahanglanon sa eskwelahan ug sa pagminus sa pinansyal nga kabug-at sa ilang pamilya. Nagpasalamat usab siya sa padayon nga suporta ni Governor Juliette Uy ngadto sa mga estudyante nga naningkamot makab-ot ang ilang mga damgo pinaagi sa edukasyon.
Subay kini sa BANGON Strategic Agenda sa Inahan sa lalawigan Governor Juliette Uy nga nagtinguha sa paghatag og mas daghang oportunidad alang sa mga estudyante sa tibuok lalawigan.
By: Ellen Mae Lahinao/PIO
Hulagway kuha ni: Charm Andy Pacamalan/PIO
