INFRARED THERMOMETER OG THERMAL GUNS, GITUNOL

Posted: February 28, 2020

87701506_554868061790883_1359628359188873216_o

TULO ka mga thermal guns ug infrared thermometer ang gitunol sa pangagamhanang lokal sa Misamis Oriental ubos sa liderato ni Gobernador Bambi Emano ngadto sa Civil Aviation Authority of the Philippines (CAAP) alang sa Laguindingan Airport, Philippine Ports Authority (PPA) sa Balingoan port ug Macabalan port sa dakbayan sa Cagayan de Oro.

Matud ni Provincial Health Officer Mr. Jerie Calingasan atol sa sinemanang pagpakayab sa nasudnong bandila sa kapitolyo, Pebrero 25, 2020, dakung tabang ang nasangpit nga gadgets pagbatok sa sa pagkatap sa gikaintapang COVID-19 o mas naila sa coronavirus.

Hilabihan ang pasalamat ni Ms. Ruby Maria Gumapon sa Philippine Port Authority, sa inisyatiba ni Gobernador Bambi Emano nga butangan gayud sa thermal scanner ang matag pantalan ug paluparan, nga maggamit sa mosulod ug gawas nga pasahero.

“To Governor Bambi Emano, thank you very much sir for giving importance and attention…for being generous to share whatever you have to help us, because point of entry man gud ang Cagayan de Oro to prevent the spread of COVID-19 virus. So, we are very happy for we are able to reach out to the province and the spirit of generosity and of course sa atoang concern to the whole province of Misamis Oriental daghan kaayong salamat,” sulti pa ni Ms. Gumapon, ang post division manager sa PPA.

Alang sa airport ug seaport residents, maayo na lang kono adunay inisyatiba si Gobernador Bambi Emano nga tabangan sila pagbatok sa pagsulod sa nagkadaiyang virus nga sigurado mopatay gayud og tawo. Kay kung walay Bambi Emano, walay laing motunol kanila gikan sa lokal nga pangagamhanan sa dakbayan.