GRAND CHAMPION ang lungsod sa Initao human nila makuha ang kadaugan sa Street Dance Competition atol sa 13th Kuyamis Festival ug 96th Founding Anniversary sa Misamis Oriental. Gibutyag ni Jewell Boy Imperial, choreographer sa Initao, nga nagbunga ang kalampusan sa ilang grupo bisan paman sa mga suliran nga naatubang panahon sa ilang pag practice.
Onse (11) ka mga lungsod ang nisalmot sa kompetesyon gikan sa Naawan, Manticao, Lugait, Gitagum, Libertad, Laguindingan, Villanueva, Jasaan, Sugbongcogon, Kinoguitan, ug Binuangan. Madawatan sa Initao ang P200,000 cash prize, samtang P150,000 nag madawatan sa Naawan isip 2nd runner up, P100,000 sa Manticao, ug P50,000 isip consolation prize sa mga partisipante.
Naghatag usab si Governor Juliette Uy og dugang P10,000 sa mga lungsod nga wala nakasulod sa top contingents. Makadawat usab og P30,000 ang mga lungsod kada minor awards nga ilang madaogan. Kini nga mga award ug lungsod mao ang:
• Best in Choreography – Initao
• Best in Musicality – Initao
• Best in Storyline – Initao
• Best in Costume – Manticao
Matod ni Imperial nga importante kaayo ang street dancing contest kay mapasundayag niini ang mga talento sa mga kabatan-onan ug malikay sila sa mga bisyo.
Ang 13th Kuyamis Festival ug 96th Misamis Oriental Founding Anniversary gihatagag dakong pagtagad ni Governor Juliette Uy aron marepresentar sa tibuok nasod ang kultura ug turismo sa lalawigan.
By: Nefilim Diaz/PIO
Hulagway kuha ni: Marvin Gilig/PIO
