UBOS sa liderato ni Governor Juliette Uy mas gipalig-on pa ang sector sa Agrikultura pinaagi sa Provincial Agriculture Office sa paghatag ug mga mga Programa ug Proyekto sa lalawigan. Atol sa Ika- 20TH Flag Raising Ceremony adlawng Lunes – Mayo 18 gitanyag sa buhatan ang Accomplishment Report gikan sa tuig 2025 hangtod sa kasamtangan. Sa kalihokan gipaambit sa PAGRO ang ilang kalampusan sa natad sa Agrikultura ilabi na sa pagpalig-on sa produksyon sa mais, humay ug uban pang high-value crops sa nagkadaiyang lungsod sa lalawigan. Gipasiugda usab sa opisina ang ilang malampusong implementasyon sa pagpanghatag og agriacultural inputs sama sa binhi, abuno ug uban pang farm intervention ngadto sa mga mag-uuma aron mapalambo ang ilang produksyon ug kita.

Gi presenter usab sa opisina ang ilang mga nahimo sa natad sa Farm mechanization diin ubay-ubay ka mga asosasyon ang naka benipisyo gikan sa mga Agricultural Equipment ug makinarya nga gihatag pinaagi sa nagka lain-lain partnership agencies. Atol usab sa kalihokan aduna usab gipahigayon nga Ceremonial Turn-Over sa mga Agricultural Inputs sama sa Small-Scale Composting Facilities, Ten (10) Units Portable Solar Dryer ug Corn Seed ugFertilizer. Gipasidunggan usab sa kalihokan ang mga Partner Agencies nga padayong naghatag og suporta ug tabang sa sektor sa agrikultura alang sa kaayohan sa mga mag-uuma sa Probinsya. Sa mensahe nga gipaabot sa inahan sa lalawigan Governor Juliette Uy gibutyag niya niini nga pinaagi sa lig-on nga panagtimbabayong sa nagkadaiyang ahensya mas mapalig-on ang produksyon sa agtikultura ug mas daghang mag-uuma ang maka angkon og benepisyo sa nagkadaiyang intervention programs sa lalawigan.

Sa kinatibuk-an gipadayag sa PAGRO ang ilang pasalamat sa Administrasyon sa Probinsya ubos sa liderato ni Governor Juliette Uy tungod sa walay hunong nga suporta sa sector sa Agrikultura.

By: Ellen Mae Lahinao/ PIO

Hulagway kuha ni: Marvin Gilig/ PIO