NAGKAHIUSA ang liderato sa probinsya ubos ni Governor Juliette Uy ug ang Department of Social Welfare and Development (DSWD) sa usa ka panagtagbo aron opisyal nga ilusad ang “Walang Gutom Program” sa lalawigan. Ang Walang Gutom Program usa ka inisyatibo sa Gobyerno nga nagpunting sa Food Security ug Nutrition. Lakip sa mga benepisyo niini ang regular nga food support, Nutritional Guidance ug pagtabang sa mga Pamilya aron mahimong mas lig-on ug self-sufficient sa ilang panginabuhian.
Tumong niini ang paghatag og igong sustansya ug suporta pinaagi sa food assistance ug uban interventions aron masiguro nga walay pamilya nga mag antos sa kagutom. Mokabat sa 3,000 ka Misamisnon ang target nga benepisyaryo sa maong Programa. Sumala ni Governor Uy dako kaayo ikatabang ang maong Programa alang sa katawhan hilabi na ang mga Misamisnon. Dugang pa sa inahan sa lalawigan pinaagi sa programa mas mapalig-on ang kompanya batok sa kagutom ug mapuswag ang kahimtang sa nutrisyon sa komunidad sa Misamis Oriental.
Ang panagtagbo nagpakita sa padayon sa pagpaningkamot sa kagamhanang probinsyal ug nasyonal nga gobyerno sa paghatag serbisyo nga makahatag og tinuod nga kausaban sa kinabuhi sa matag Misamisnon.
By: Ellen Mae Lahinao/PIO
Hulagway kuha ni: Charm Andy Pacamalan/PIO
