KAPITOLYO MITABANG SA ORO MAKE-UP ARTISTS

Posted: June 22, 2020

22062020-24

SA krisis nga gi-atubang karon sa tibuok kalibotan, hilabina dinhi sa Pilipinas, partikular sa Misamis Oriental ug Cagayan de Oro, lakip make-up artists gikan sa Lesbian, Gay, Bisexual ug Transgender (LGBT) community apektado usab sa kalisod sa panginabuhi. Maayo na lang dunay P25,000 nga cash assistance si Gov. Bambi Emano ngadto kanila.
Pinaagi ni Provincial Tourism Officer Atty. Jeffrey Saclot, kinsa maoy nangita’g paagi aron matunolan sa gamay’ng hinabang ang mga make-up artists, gidawat ni Alexander Genilza sa Make-up Artists Project ang maong cash assistance atol sa weekly virtual flag-raising ceremony sa kapitolyo niadtong Hunyo 16, 2020.
Mikabat sa 100 ka indibidwal ang miyembro sa Make-up Artists Project dinhi sa Misamis Oriental ug Cagayan de Oro.