KAPITOLYO, SUBLI MAGPAHIGAYON UG CLEAN-UP DRIVE, DISINFECTION

Posted: June 22, 2020

22062020-26

SUBLING magpahigayon sa clean-up drive ug disinfection ang kapitolyo probinsiyal sa Misamis Oriental palibot sa kapitolyo karong Biernes, Hunyo 19, ang naandang adlaw sa mga empleyado nga magpahigayon og general cleaning sa matag buhatan aron batukan ang bisan unsang matang sa kagaw nga hinungdan sa nagkadaiyang sakit susama sa coronavirus disease 2019 ug dengue.
Kini ang pahinumdom ni Provincial Health Officer ug Provincial Task Force for COVID-19 chief Dr. Jerie Calingasan human mihangyo si Gov. Bambi Emano nga sigurohon gayud ang kalimpyo aron layo sa sakit ang mga empleyado ug tanang kliyente sa kapitolyo.