KIRAHON SOLAR ENERGY CORP, MITUNOL OG DONASYON

Posted: May 21, 2020

2152020-25

MITUNOL sa ilang donasyon ang Kirahon Solar Energy Corporation ngadto sa kapitolyo probinsyal sa Misamis Oriental isip kontribusyon ning padayon nga pagpanalipod sa lalawigan batok sa makatakboy nga coronavirus disease 2019.
Adunay cash nga P10,000 ug walo ka tag-50 kilos nga sinakong bugas ang gitunol sa maong kompanya ngadto kang Gov. Bambi Emano, Mayo 13, 2020. Matud sa gobernador, dakung tabang kini alang sa mga frontliners sa mga ospital ug checkpoints, hilabina wala na intawon sila manginabuhi aron lang masiguro nga luwas ang kadaghanan batok sa makamatay nga sakit.
Si Mr. Oliver Labares, ang plant manager sa Kirahon Solar Energy, malipayon nga mitunol sa maong ayuda ngadto kang Gov. Emano sa pagtuo nga modangat gayud kini ngadto sa angay padulngan.
Lakip nang nakalista sa Transparency Donation Board ni Gov. Emano ang Kirahon Solar Energy Corporation ug ilang hinabang.