MIKORTESIYA ang LGU Initao kay Gov. Juliette T. Uy pinanguhan ni Initao Mayor Mercy Grace Acain uban ang tibuok konseho niini. Kalipay usab ni Gov. Uy ang maong panagtagbo tungod sa higayon nga mahisgutan ang mga mahinungdanong programa nga angayng ipadayon ug mga e- implementa sa dapit. Lakip sa gihisgutan mao ang priority project nga road rehabilitation ug construction nga gilaumang matibawas sa dili madugay. Labina nga gipunting nga mauna gayod kadtong anaa sa kabukiran o hilit nga dapit sa Initao. Nagpasalamat ang grupo sa panahon sa gobernadora. Usa na niini ang panghinaot nga malugwayan ang kolaborasyon aron makab-ot ang mas progresibong Mis Or ug lungsod sa Initao.

Kahinumdomang gitagaan og igong pagtagad sa kasamtangang administrasyon ang brgy empowerment ug ang paghimo sa kolaborasyon tali LGUs isip sumbanan sa maayong pagpadagan sa tibuok lalawigan.

By: Rejiann Ammor R. Maygay/PIO

Hulagway kuha nila: PIO Interns John Miko Amper & Clifford John Gomez