Buot magtukod og Biomass Powerplant dinhi sa rehiyon ang TJ Group Holdings uban sa Cocowell Corp. kung asa gitakdang ibutang partikular sa Mis Or. Gipasabot sa grupo nga plano nilang gamiton ang green coconut wastes isip alternative ug renewable source of energy. Matud pa nga ang green coconut wastes dako og dalang harmful risks sa kinaiyahan kung mapasagdan lang. Apan base sa research & study dihang gamiton na kini isip raw material, gilantaw usab nga mahimo kining usa ka sustenableng renewable energy source nga dunay higher energy value kompara sa ubang raw materials.

Dugang pa ang adbokasiya sa Japan investors mao gayod ang pagtabang sa coconut farmers sa Pilipinas. Sulti sa grupo nga dili lang kining Biomass powerplant ang ilang gitinguhang mapaambit apan ang dugang nga mga agricultural scholars usab, ug uban pang trading opportunities alang sa pagpalawig sa coconut production. Samtang gikalipay kini og ayo ni Gov. Uy labina nga laraw sa maong sistema ang paghatag dugang kapangitaan sa mga mag-uuma ug ang maayong resulta kon paghatag kalamboan niini sa kinatibuk-ang ekonomiya sa Mis Or. Giuyonan sa duha ka panig nga sulod sa umaabot tulo ka bulan humanon ang pagasugdang Feasibility Studies bahin sa tanang gikinahanglang impormasyon alang sa nasangpit nga plano. Komitado ang PGMO uban ang DA sa pakig-collaborate sa Cocowell ug TJ Group Holdings alang sa katumanan sa nasangpit nga mga plano.

Anaa usab misaksi sa tigom si University of Hawaii Director & Professor Norman Arancon, representante gikan sa FICCO, ug ang MODHA pinangunahan nila ni PAGRO Head Michelle Lace, PPDO Head Archimedes Lazaro ug MIS Head Candido Balaba. Laumang mas pahugtan pa ang pagtimbayayongay sa Japan ug Mis Or alang sa nasugdang mga plano. Kini agi’g paglugway sa agricultural development ug ang mga mag-uuma ang labing maka-benepisyo.

Hulagway kuha ni: Jezreel Ecuacion/PIO