LAING 14 OFWs, LUWAS NGA NIABOT SA MISOR

Posted: June 1, 2020

162020-1

LAING 14 pa ka Overseas Filipino Workers (OFWs) ang luwas nga nakapauli sa Misamis Oriental niadtong Miyerkoles, Mayo 27, 2020, human ma-stranded sa Luzon sulod sa duha ka bulan human gipatuman ang enhanced community quarantine (ECQ) kon lockdown sa lugar.
Human gikuha ang ilang pangalan, gipakaon ug dayon gipaubos sa strict medical procedures, una pa gipatunob sa Department of Health ug Provincial Task Force for COVID-19 sa Laguindingan airport ang 149 ka OFW, kung diin 14 kanila molupyo sa Misamis Oriental.
Sa susamang health protocol, kinahanglan moagi sila’g 14-day quarantine sa Barangay Isolation Units (BUIs) una pa sila makapauli sa ilang tagsa-tagsa ka pamilya sa lungsod sa Opol, Jasaan, Claveria, Naawan, Binuangan, Balingoan, Gitagum, Balingasag, Medina ug Initao; ug dakbayan sa Gingoog ug El Salvador. Gipapahulay pa sila sa usa sa mga hotel sa dakbayan sa Cagayan de Oro, una pa gikuha sa ilang tagsa-tagsa ka munisipyo sakay sa ambulansiya.
Sige pa gihapon sa pagpangdawat sa OFWs ug locally stranded individuals (LSIs) ang Provincial Task Force for COVID-19 gikan sa kaulohan uban gihapon sa pagsunod sa medical procedures aron masiguro nga magpabiling “zero-confirmed case” ang Misamis Oriental.