LAING 227 LSIS, NAHATAGA’G AYUDA

Posted: June 22, 2020

22062020-12

LAING 227 ka locally stranded individuals (LSIs) hilabina ang mga pamilya nga anaa dinhi sa Misamis Oriental natunolan og financial assistance gikan sa Panggamhanang lokal sa Misamis Oriental pinaagi sa PSWDO.
Ang PSWDO, human sa hugot nga mando ni Gov. Bambi Emano, mitunol og mikabat sa P465,000 gikan sa pundo sa kapitolyo sugod niadtong Hunyo 1-5, 2020, ngadto sa LSIs nga naglibog kaniadto kon unsaon nila pagsugod pag-usab aron sila mabuhi ug ang ilang pamilya.
Ang nakanindot, wala nay linya-linya nga nahitabo, gihatud na mismo sa PSWDO ang hinabang ngadto sa ilang tagsa-tagsa ka munisipyo aron malikayan ang paggawas sa ilang panimalay ug masunod ang physical distancing.
Gikan sa Abril 18 hangtud sa Hunyo 5, 2020, mikabat na sa P638,000 ang nahatag nga ayudang pinansyal ngadto sa 318 na ka mga returning locally stranded individuals sa Misamis Oriental.