LAING BATCHES SA OFWs, LSIs NAKAPAULI SA MISOR

Posted: May 29, 2020

29052020-2

DUGANG ihap nga mikabat sa 56 sa mga Overseas Filipino Workers (OFWs) ug Locally Stranded Individuals (LSIs) ang nakapauli na sa Misamis Oriental ning semana pa lang human ma-stranded sa kaulohan tungod sa lockdown nga gipatuman agig depensa sa coronavirus disease 2019. Ang 35 lulan sa sweeper flight nga milanding sa Laguindingan airport niadtong Lunes, Mayo 25, samtang 22 kanila sakay sa sweeper trip sa 2GO Travel nga midunggo sa Cagayan de Oro port sa Macabalan, Cagayan de Oro, niadtong Mayo 26.
Tanan sila miagi sa masusi nga profiling ug hugot nga health protocol sa Provincial Task Force for COVID-19 una pa kini gipasakay sa rescue vehicle sa Provincial Disaster Risk Reduction Management Office (PDRRMO). Gipakaon dayon gihatud sa isolation units nga gitukod sa nagkadaiyang barangay sa Misamis Oriental aron obserbahan sulod sa 14 ka adlaw.
Didto sila si Public Employment Services Officer (PESO) Ms. Zorobabel Wabe Rabe, Task Force chief Dr. Jerie Calingasan ug Task Force spokesperson Atty. Jeffrey Saclot, kinsa maoy gipangunay ni Gov. Bambi Emano aron mangulo sa pagdawat sa returning OFWs ug LSIs.
Isa si “Teresa”, usa ka OFW nga nakatunob ra gayud sa Laguindingan airport human sa 40 ka adlaw nga pagka-lockdown sa Luzon, halos ika-depress na niya ang kasinatian tungod sa kahadlok ug kabalaka para sa iyang kinabuhi ug iyang pamilya. Bahala na kono’g ipailawom sila sa Barangay Isolation Unit (BIU) sulod sa 14 ka adlaw sa ilang pagpauli, basta duol lang sila sa ilang tagsa-tagsa ka mahal sa kinabuhi.