LAING NAGPUNGASI NGA PROYEKTO ITUNOL SA TUNGHAAN

Posted: February 28, 2020

87365175_553541661923523_7040922802400002048_o

GIPAHIGAYON sa local school board (LSB) sa Misamis Orientatl ang ilang ikaduhang executive meeting niadtong Martes, Pebrero 18, 2020, dinhi sa Cagayan de Oro. Susama kaniadto, laing proyekto na usab ang plano nga ipahamtang sa grupo ngadto sa nagkadaiyang tulunghaan sa lalawigan.

Didto sa panagtapok sila si Gobernador Bambi Emano, LSB secretary Mr. Jerome Mundo, ug kauban si DepEd Schools Divison Superintendent Mr. Jonathan dela Peña nga nagkahiusa sa tumong nga matubag ang tanang panginahanglanon sa nagkadaiyang tulunghaan sa Misamis Oriental alang sa kaayohan sa magtutungha, magtutudlo ug mga ginikanan.

Dunay school stage, dugang classroom ug mga lain-laing pasilidad ang gilaumang matukod sa tulunghaan sa Misamis Oriental ning tuig ug sa umalabot.

Ang edukasyon isa sa walo ka haligi nga nagtuko sa programang turismo ni Gobernador Bambi Emano dinhi sa Misamis Oriental nga gihatagan gayud og igong hibug-aton sa iyang pamunuan, sa pagtuo nga ang edukasyon maoy bugtong hinagiban sa kabus man o adunahan sa ilang pagkab-ot sa maayong kaugmaon.