Ubay-ubay ka negosyante ug represintante sa nagkadaiyang sector ang mitambong sa Local Government Unit and Stakeholders consultative conference didto sa Tagoloan ning lalawigan.
Ang maong panagtagbo nagtumong nga mapasayon ang pagpahigayon sa transaksiyon sa katawhan diha sa balay lungsod sa Tagoloan.
Matud ni Board Member Michele Anayron nga sigurado ang pag-uswag sa lalawigan kon dunay maayong kooperasyon ang mga negosyante ug local nga kagamhanan. Samtang gidasig usab ni Tagoloan mayor Atty. Nadya Emano Elipe ang mga negosyante nga hatagan sa dakong pagtagad ang mga Tagoloanon diha sa pagmugna ug daghang oportunidad nga trabaho.
Mihatag usab sa ilang panahon ang mga reprisintante sa Department of Labor and Emloyment, Social Security System, PhilHealth, PAGIBIG, Bureau of Fire Protection, Food and Drugs Administration ug Department of Trade and Industry.
Sulat ni: Rejiann Ammor R. Maygay/PIO


Hulagway kuha ni: Marvin Gilig/PIO