KAPIN DOS MIL (2,371) ka mga drayber ang naka benepisyo sa pag apod-apod sa singko mil (P5, 000.00) nga Cash Relief Assistance sa dakbayan sa El Salvador ug Gingoog adlawng Miyerkules – Abril 8, 2026. Ang maong inisyatibo kabahin sa padayon nga pagpaningkamot sa Department of Social and Welfare and Development nga gisuportahan ni Governor Juliette Uy. Tumong niini aron matabangan ang sector sa transportasyon nga naapektuhan sa nagkataas nga presyo sa gasolinaug uban pang panginahanglanon. Alayon niini gisiguro nga ang mga kwalipikadong drayber lamang ang nakadawat sa ayuda aron malikayan ang kalibog ug magpadayon ang transparency sa programa.
Dako ang pasalamat sa usa ka drayber nga si Mr. Recardo Saburao sa kalihokan tungod kay dako na kini og tabang ang maong ayuda sa ilang adlaw-adlaw nga panginabuhi hilabi na sa pagpalit sa gasolina ug pagsuporta sa ilang tagsa-tagsa ka pamilya. Gilauman nga pinaagi niini nga programa mapalig-on ang sector sa transportasyon ug masiguro ang mas maayong panginabuhi alang sa mga drayber sa tibuok lalawigan.
Ang P5, 000.00 nga ayuda gi apod-apod sa duha ka dakbayan usa lamang ka sinugdanan ug kini gilauman nga magpadayon sa nagkadaiyang lungsod sa lalawigan aron mas daghan pang drayber ang maka benipisyo niini.
By: Ellen Mae Lahinao/PIO
Hulagway kuha ni: Marvin Gilig/PIO
