LIBRENG TV SETS, CASH ALLOWANCE GITUNOLSA MGA (VYE) VICENTE Y. EMANO SCHOLARS By: Reymark Semaña/PIO

Posted: September 17, 2021

241520756_1177000162822381_5006682381078624411_n

BULAHAN ang 297 ka mga Senior High School sa Asian Business Cabletow Cooperative Academy (ABCCA) nga giilang mga Vicente Y. Emano Scholars human madawat ang tabang ni Governor Bambi Emano ug Atty. Nadya Emano-Elipe ngadto kanila.

Niadtong Septiyembre 7-8, 2021, gipahigayon ang distribusyon sa libreng Television Sets, Flash drive ug Php. 1,000.00 Educational Cash Allowance sa matag semester sulod sa Provincial Governor’s Extension Office nga nahimutang sa munisipyo sa Tagoloan.

Gikan ang maong mga benipesiyaryo sa munisipyo sa Tagoloan, Villanueva, Jasaan ug Claveria nga malipayong gidawat ang maong mga butang nga dako og matabang kanila sa ilang pagtungha.

Matud sa usa sa mga benepesyaryo sa maong scholarship program nga dili tiaw ang suporta nga gitanyag ngadto kanila aron makapadayon ug molampos sa ilang pagtoun.

“Dili gyud tanan eskwelahan gihatagan og scholarship nga parehas ani nga with TV pa gyud and with allowance,” puno sa kadasig nga sulti sa us aka benepesyaryo.

Mismong si Atty. Nadya Emano-Elipe ang mitabang sa paghatag sa maong mga gamit uban sa suporta nila Sangguniang Bayan Tagoloan Members Kagawad Honey Emano-Doña ug Kagawad Armando Pomar.

Nabati ni Governor Bambi ug ni Atty. Nadya Emano-Elipe ang kalisod sa mga kabataan sa ilang pagtungha dili lang gumikan kay anaa pa taliwala sa pandemya apan hilabina karon sa modernong panahon nga nagka-taas ang ilang panginahanglan aron lamang makapadayun ug makuha ang ilang gikahinaman nga diploma nga puhon maoy susi sa katumanan sa ilang pangandoy.