LIMKETKAI MALL MIDONAR OG CASH SA KAPITOLYO

Posted: June 1, 2020

162020-3

PADAYON pa gihapon nga giulan sa mga donasyon ang administrasyong Emano ning panahon sa krisis sa maayong panglawas ug krisis sa ekonomiya. Ning tungora, ang LimKetKai Mall nagpadangat sa ilang kontribusyon nga P100,000 pinaagi ni Gov. Bambi Emano isip hinabang ning padayon nga kombate batok sa coronavirus disease 2019 ug pagpalig-on balik sa ekonomiya sa lalawigan.
Tumong usab sa donasyon nga magpabiling “zero-confirmed case” ang Misamis Oriental sa COVID-19.
Pinaagi sa representante sa LimKetKai Mall ilang gitunol ang maong kantidad kang Capitol Provincial Administrator Atty. Jocelyn A. Lood-Mateo isip representante ni Gov. Bambi niadtong Mayo 27, 2020.
Saad ni Atty. Mateo nga dili nila sayang-sayangan o iwaldas sa walay hinungdan ang maong kantidad nga makatabang daku uyamot sa mga frontliners.
Lakip na nakalista sa Transparency Donation Board ni Gov. Bambi Emano ang maong donasyon.