Latest Announcement 00:00:00 AM Loading... UMA SA BALAY GITUDLO SA KAPULISAN SA VILLANUEVA GITUDLO sa Provincial Agriculture Office (PAGRO) ang programang Uma sa Balay (USB) sa Revitalized-Pulis sa Barangay (RPSB) unit sa Villanueva. Gipresentar ni PAGRO Consultant Perfecto “Jojo” Rom Jr sa kapulisan ang pagpananom sa luna sa ilang panimalay ug sa komunidad gamit ang teknolohiyang Container Gardening, Vertical Planting, ug Composting & Integrated Pest Management. Matod ni RSPB PCpl. Reginald Tuling, dakog tabang kini kanila ug sa ilang pamilya tungod kay makamugna sila og organikong abono ug talamnon sa tugkaran sa ilang mga balay. Gidugang niya nga mapaabot usab kini nila sa mga komunidad nga ilang mahimong assignment. “Kung ang tao dili gutom, mag ubos ang krimenalidad” matod ni Perfecto Rom Jr atol sa iyang paghatag lecture sa kapulisan. Gipahigayon ang lecture sa Misamis Oriental Provincial Police Office sa lungsod sa Villanueva niadtong Hunyo 1, 2026. Ang USB usa sa mga programa ni Governor Juliette Uy nga naghatag og kasolbaran sa kakulangon sa pagkaon sa mga tagsa-tagsa nga pamilya sa Misamis Oriental. Kanunay usab ang pag implementar ni Governor Uy sa maong programa sa mga kalungsuran, ug ubang komunidad aron maabot ang tinguhang food security sa lalawigan. Magpadayon pa ang pagpaabot sa PAGRO sa programang USB subay sa pagpatuman sa BANGON strategic agenda sa administrasyon ni Governor Uy. By: Nefilim Diaz/PIO Hulagway kuha ni: Marvin Gilig/PIO ug Karl Jaspe/PIO intern 8 MOPH NAKADAWAT OG HOSPITAL EQUIPMENT TUNGOD SA PAGPANINGKAMOT NI GOVERNOR UY NAKADAWAT og bag-ong hospital equipment ang walo ka Misamis Oriental Provincial Hospital (MOPH) gikan sa nagkadaiyang non-government organizations ug pribadong sektor atol sa turn-over ceremony nga gipahigayon sa Kapitolyo Probinsyal. Kini nga ekipo gilangkoban sa defibrillator ug ElectroCardioGram (ECG) Machine gikan sa Capitol University Medical Center, Ultrasound Machine gikan sa Clarenson Marketing, hospital beds ug mechanical wheelchairs gikan sa A Brown Company ug wheelchairs ug nebulizers gikan sa Philippine Charity Sweepstakes Office (PCSO) Misamis Oriental Branch ug Hexaprime Inc. Matud ni A Brown Company Executive Vice President- Construction and Development and Chief Operating Officer Engr. John L. Batac, kabahin kini sa ilang Corporate Social Responsibility (CSR) agi’g pagtabang ug paghatag balik sa komunidad partikular sa mga ospital sa lalawigan. Sumala ni Provincial Health Officer Dra. Bebina Casiño, dakong tabang ang mga donasyon ilabi na sa mga pasilidad nga adunay limitadong kahinguhaan. Gipasalamatan usab niini ang mga partner nga misuporta sa probinsya aron mapadayon ang paghatag og dekalidad ug accessible nga serbisyo sa panglawas. Matud ni MOPH- Claveria Chief of Hospital Dr. Pilardo Ledesma, Jr. dakong tabang ang matag ekipo alang sa ilang hospital operations. Tungod niini, mapasalamaton kini sa pagpaningkamot sa gobernadora nga matabangan nga mapalambo ang serbisyo sa ilang ospital. Tumong ni Governor Juliette Uy nga ang mga ekipo makatabang aron dili na kinahanglan nga moadto pa sa dakbayan ang mga pasyente alang sa pipila ka mga serbisyo medikal. Gawas niini, gibutyag usab sa gobernadora ang pagpatukod sa mga dialysis centers ngadto sa mga dapit sa Gingoog City, Alubijid ug Manticao pinaagi sa Public Private Partnership (PPP). Dugang pa niini, anaa na sa bidding process ang surgical microscope nga gamiton alang sa cataract removal services sa mga ospital sa umalabot. Nagpasalamat ang gobernadora sa tanang organisasyon ug pribadong sektor nga naghatag sa ilang suporta ug donasyon nga nagpakita sa ilang pagpakabana alang sa kahimsog ug kaayohan sa mga Misamisnon. Kini usa ka timaan sa lig-on nga pagpaningkamot sa gobernadora aron mahatagan sa accessible, episyente ug kasaligan nga serbisyo sa panglawas ang katawhan sa probinsya. By: Jane Salimbao/PIO Hulagway kuha ni: Jez Ecuacion/PIO DENR UG KAGAMHANANG PROBINSYAL NAGKAHIUSA ALANG SA MALUNGTARONG TURISMO GIPASIUGDA ang mas lig-on nga pagtinabangay tali sa Kagamhanang Probinsyal ug sa Department of Environment and Natural Resources-10 atol sa Courtesy Visit ni Regional Director Henry Adornado ngadto kang Governor Juliette Uy. Usa sa mga sentrong gihisgutan ang pagpalambo sa turismo ug pagpreserbar sa kinaiyahan aron masiguro ang malongturang kalambuan sa Probinsya. Gihisgutan usab ang mga Programa sa reforestation, pag- atiman sa kabaybayonan ug pagpreserbar sa biodiversity nga mahimong magpalambo sa turismo sa Probinsya. Gibutyag ni DENR- Regional Director Henry Adornado nga magpadayon ang ilang pakipagtimbayayong sa lokal nga kagamhanan aron mas mapalambo nag eco-tourism sites sa lalawigan. Ang panagtagbo dili lamang nagpalig-on sa relasyon tali sa DENR ug Kagamhang Probinsyal apan nagsilbi usab sa higayon aron mapalawom ang mga plano ug programa nga magtutok sa malungtarong turismo ug pagpanalipod sa kinaiyahan sa tibuok Misamis Oriental. By: Ellen Mae Lahinao/PIO Hulagway kuha ni: Charm Andy Pacamalan/PIO GOVERNOR UY SUPORTADO ANG ORO CHAMBER SUPORTADO ni Governor Juliette Uy ang imbitasyon karon sa Oro Chamber kon Cagayan de Oro Chamber of Commerce and Industry Foundation, Inc. alang sa ilang umalabot nga kalihokan. Kini human mahimong host ang Oro Chamber alang sa 35th Mindanao Business Conference (MinBizCon) karong umalabot Agosto 11-13, ning tuiga nga pagahimoon sa The Atrium, Limketkai Center, Cagayan de Oro City. Ang maong kalihokan gitakda nga tambongan sa kapin 1,000 ka mga business leaders, industry movers, policymakers ug investors gikan sa nagkalain-laing dapit sa Mindanao. Matud ni Irene Floro, Convention Director of Oro Chamber, tumong sa ilang paghimo sa tinuig nga kalihokan mao ang pagpasundayag sa mga resources nga anaa sa Misamis Oriental ug pagpaila sa probinsya isip maanindot nga destinasyon sa turismo ug maayong lugar alang sa negosyo ug pagpamuhunan. Mapasalamaton usab si Floro sa makanunayong pagsuporta nga gipakita sa gobernadora sa Oro Chamber sukad sa iyang paglingkob isip lider sa probinsya ug malaumon sa personal nga pagtambong niini sa ilang dakong kalihokan. Padayon pa ang pagsuporta ug pakighiusa ni Governor Uy sa pribadong sektor isip kabahin sa paningkamot sa pagpalig-on sa ekonomiya ug pagdani og dugang oportunidad alang sa katawhang Misamisnon. By: Jane Salimbao/PIO 800 IHAP SA NAKA-BENEPISYO SA CASH FOR WORK & TRAINING MOKABAT otso sientos (800) ka indibidwal ang naka- benepisyo sa Risk Resiliency Program thru Cash for Work and Training- Project LAWA at BINHI salary payout. Laraw niini nga programa ang paghatag kapangitaan ngadto sa vulnerable sectors pinaagi sa community-based disaster mitigation & prevention projects. Ning higayona, balor Php 7,376,000 total amount nga natunol ngadto sa mga benepisyaryo. Sila gilangkoban gikan sa Brgys. Aya-Aya ug Lower Talacogon sa Lugait; Brgys. Lagtang, Sampatulog ug Calatcat sa Alubijid; ug, sa Brgys. Odiongan, Samay ug Capitulangan sa Gingoog City. Pulos sila mapasalamaton tungod sa kahigayonan nga nahatag kanila. Nga bisan tuod sa gisagubang nga mga pagsulay duna silay kadangpan pinaagi sa tabang nga nahatag kanila sa gobyerno. Katumanan usab kini sa kooperasyon nga gilangkoban tali sa DSWD 10, Mis Or PSWD ug ang buhatan sa IPCAC. Kahinumdomang kanunay ang pagtubag ug paghatag solusyon ni Gov. Juliette Uy sa mga giatubang nga problema sa katilingban pinaagi sa mga social services program sama niini. By: Rejiann Ammor R. Maygay/PIO Photo courtesy: Mis Or PSWDO PRESIDENTIAL ANTI-ORGANIZED CRIME COMMISSION ANDAM MAKIGTIMBAYAYONG SA PANGGAMHANANG PROBINSYAL PERSONAL nga mibisita sa buhatan ni Governor Juliette Uy si Presidential Anti-Organized Crime Commission (PAOCC) Col. Sagat Bongolan aron makigpulong kabahin sa nagkadaiyang isyu nga may kalabutan sa small-scale mining sa probinsya. Atol sa panagtigom, gihisgotan ang mga paagi aron masulbad ang suliran sa Minahan ng bayan sa probinsya. Lakip usab sa gihisgotan ang mga plano ug pamaagi aron matabangan ang mga small-scale miners sa probinsya nga mahimong legal ug organisado ang ilang mga mining operations subay sa balaod. Mapasalamaton si Bongolan kang Governor Uy tungod sa iyang pagpaningkamot sa pagpangita og solusyon alang sa mga small scale miners sa probinsya nga nagdepende sa pagmina isip panginabuhian. Tinguha ni Governor Uy nga pinaagi sa maong panagtinabangay tali sa ahensya ug sa Panggamhanang Probinsyal, mas mapalig-on pa ang legal, luwas ug organisadong operasyon sa small-scale mining sa probinsya. By: Jane Salimbao/PIO Hulagway kuha ni: Marvin Gilig/PIO AMUSEMENT TAX SA FANTASYLAND GITUNOL SA KAPITOLYO PROBINSYAL PORMAL nga gitunol sa Fantasyland ang ilang amusement tax sa Panggamhanang Probinsyal pinaagi kang Governor Juliette Uy sa Kapitolyo. Kini isip ilang buhis alang sa mga bulan sa Enero paingon Marso ning tuiga nga nagkantidad og P134,505.00. Kini dakong tabang aron mapadayon ug mapalig-on pa ang mga nagkadaiyang serbisyo ug programa sa probinsya alang sa katawhan. Sa milabay usab nga turnover, nakahatag ang Fantasyland og P230,165.00 nga amusement tax alang sa bulan sa Disyembre 2025. Bisan ginagmay ang matag period sa ilang bayrunon, padayon ug matinud-anon gihapon silang nagabayad sa ilang obligasyon nga buhis ngadto sa probinsya. Ang Fantasyland usa ka bag-ong tourist attraction sa Misamis Oriental nga nahimutang sa lungsod sa Tagoloan. Matud ni Fantasyland Tagoloan Operations Manager Ms. Jaynah Jalosjos, maghatag sila og libreng sakay gamit ang shuttle service gikan sa Capitol Compound paingon sa Fantasyland Tagoloan ug vice versa aron mas sayon ug komportable ang pagbyahe sa mga bisita. Gihisgutan usab ang plano sa pagpangita og maayong pick-up point alang sa mga bata uban sa ilang mga ginikanan aron mas mapadali ang pagsakay paingon sa amusement park samtang masiguro ang ilang kaharuhay ug kaluwasan. Nagpakita lamang kini nga pinaagi sa panaghiusa sa pribadong sektor ug gobyerno mahimong makab-ot ang kalamboan ug mas mapalapdan pa ang kaayohan sa tanan. By: Jane Salimbao/PIO 2026 PALARONG PAMBANSA UPDATE MIHAKOT na og mokabat lima (5) Golds Medals , pito (7) ka Silver Medal ug pito (7) Bronze Medals ang Misamis Oriental sa kasamtangang 2026 Palarong Pambansa nga gipahigayon sa Agusan del Sur. Niining ika-66 nga edition, ang gisalmotan sa lalawigan nga dunay sento dyes (110) ka athleta gilangkoban sa mga paugnat sa kusog sama sa Arnis, Baseball, Billiards, Table Tennis, Chess, Sepa Takraw ,Volleyball, Gymnastics , Wushu, Weightlifting, Pencat Silat, Taekwondo ug Kickboxing. Samtang nagpadayon pa ang nagkalain-laing duwa sa kompetisyon, gilauman nga madungangan pa sa delegasyon sa Misamis Orient ang medal tally sa umaabot nga mga adlaw pinaagi sa kusog ug dedikasyon. Gisugdan ang opening ceremony sa maong kalihokan sugod Mayo 24 sa Democrito O. Plaza Sports Complex, Patin-ay, Agusan del Sur ug molungtod hangtod Mayo 31 ning tuiga. Kahinuduman wala sukad pasagdi ni Governor Uy ang atletang Misamisnon duyog sa tinguha makabat-ot nila ang pangandoy sa kinabuhi. By: Ellen Mae Lahinao/PIO Hulagway kuha ni: Charm Andy Pacamalan/PIO A heartfelt thank you to Governor Juliette T. Uy ♟️💚 A heartfelt thank you to Governor Juliette T. Uy for visiting and showing support during the first day of our Chess Clinic and Mini Tournament! Your presence truly inspired our young chess players and motivated them to continue developing their skills and passion for the sport. Thank you for always supporting youth development and sports programs in Misamis Oriental. Together, we continue to build stronger, smarter, and disciplined young athletes. ♟️🏆 ZAMBOANGA CITY ECCD, GIBENCHMARK ANG PECCD SA MISOR MIBISITA ang Early Childhood Care and Development Office (ECCD) sa lokal nga kagamhanan sa Zamboanga City sa Kapitolyo Probinsyal niadtong Mayo 26, 2026 alang sa ilang benchmarking activity. Matod ni Zamboanga City ECCD Division Chief Ronald Cervas, nakita nila nga nag-una ang Misamis Oriental sa pagtukod sa opisina sa ECCD. Gidugang niya nga aduna silay daghang makat-unan niini nga mahimo nilang maaplikar sa ilang kaugalingong buhatan. Gitumbok niya nga usa sa iyang mga nakitang best practices sa PECCD ang paghatag og standard sa mga Child Development Centers (CDC), sama sa accreditation sa mga Child Development Workers (CDW). Pipila lamang sa tibuok nasod ang adunay natukod nga Provincial ECCD, diin lakip niini ang Misamis Oriental. Nahimong 2nd place usab ang PECCD sa Misamis Oriental sa Gawad Edukampyon 2025 sa nasod. Samtang, mainiton giabi-abi ni Governor Juliette Uy ang mga CDW sa Zamboanga City ug naghatag og hugot nga suporta kanila. Mapasalamaton si Cervas kang Governor Uy ug sa tibuok pwersa sa PECCD sa higayon nga gitugutan sila nga mobisita ug mahimong sumbanan ang Misamis Oriental sa pag-implementar sa mga programa sa ECCD. Kahinumdomang prayoridad ni Governor Uy ang paghatag edukasyon sa mga kabatan-onan aron mas hayag ang ilang kaugmaon para sa kalamboan sa lalawigan. By: Nefilim Diaz/PIO Hulagway kuha ni: Marvin Gilig/PIO