MAGKAHIUSA ang mga tanang mga miyembro sa Misamis Oriental Local Treasurers Association (MOLTA) aron pagtabang sa pagpalambo sa ekonomiya sa lalawigan. Kini pinaagi sa pagpalig-on sa revenue collection partikular na sa Real Property Tax (RPT) sa mga kalungsuran ug syudad sa probinsya. Matud ni Villanueva Municipal Treasurer Emilyn Mortola Jalibas, usa sa dakong hangyo sa gobernadora kanila nga mapahugtan ang RPT collection tungod kay kini usa ka provincial imposition diin adunay share ang probinsya, LGU ug ang barangay.
Subay niini, nagpasalig ang gobernador nga andam kini motabang alang sa legal assistance gumikan sa hagit sa pagkolekta nila. Ang pagkolekta sa mga buhis ug uban pang revenues makatabang aron makatigom og pondo alang sa pagpatuman sa mga programa ug serbisyo sa Panggamhanang Probinsyal sama sa edukasyon, panglawas, imprastruktura, public safety ug social welfare programs. Ang nasangpit nga mga serbisyo mahinungdanon alang sa kaayohan ug kalamboan sa mga lokal nga komunidad.
Dako ang pagtoo ni Governor Uy nga ang pagtinabanga sa matag usa ka epektibong paagi aron maangkon ang kinatibuk-ang kalamboan sa probinsya.
By: Jane Salimbao/PIO
Hulagway kuha ni: Charm Andy Pacamalan/PIO
