LSI NALIPAY SA LIHOK NI GOB. EMANO

Posted: July 20, 2020

2072020-2

Dakong kalipay ang nabati sa mga returning overseas Filipino workers (ROFW) og Locally Stranded Individuals (LSI) tungod sa lihok sa gobernador alang kanila.
Si Precilla May Jusay Zate, taga Mat-i Naawan, Misamis Oriental, usa ka LSI nga na stranded sa San Fernando, Pampanga, sulod sa pila ka bulan, labihan uyamot ang kalipay sa tiunay nga suporta ni Gov. Bambi Emano kanila, hilabina walay pagbalibad sa pagdawat sa mga LSI og ROFW, ug gitabangan pa gayud nga makabangon ug maka-survive ning panahon sa krisis.
Wala na matud pa magdahum si Zate nga matawagan sa Provincial Social Welfare and Development Office (PSWDO) aron sa pagdawat sa iyang financial assistance tungod sa kadaghan nagpakitabang sa kapitolyo. Apan nakatagamtam gihapon kini sa ayuda.
Nanghinaut na lamang kini nga magpadayon si Gov. Bambi Emano sa iyang maayong binuhatan hilabina
ang pagtabang sa kabus nga anaa sa kalisod.