LSIs SA TAGOLOAN, NAKADAWAT AYUDA

Posted: June 22, 2020

22062020-2

MIKABAT sa 15 ka pamilya nga molupyo sa Tagoloan, Misamis Oriental, ang nakadawat ug financial assistance para sa ilang pamilya nga Locally Stranded Individuals (LSIs) nagkantidad nga P30,000 gikan sa pangagamhanang lokal sa Misamis Oriental pinaagi sa Provincial Social Welfare and Development Office (PSWDO) nga “Bambi Welfare” program.
Gipahigayon ang pag-apod apod sa ayudang pinansiyal sa Balay Nenotchka, Tagoloan, kauban si kanhi Cagayan de Oro Councilor Atty. Nadya Emano-Elipe ug Mr. Manny Dalman, ang MisOr Cares coordinator.
Si Atty. Nadya ang nagsilbing pangulo sa extension office sa Provincial Governor’s Office sa nasangpit nga lugar.
Dakung pasalamat sa mga benepisyaryo sa hinabang, hilabina naglabad intawon ang ilang ulo kung hain sila padulong aron makakuha’g hinabang ning panahon sa krisis nga hatud sa hadla sa coronavirus disease 2019.