LTO-10 DIRECTOR MANALOTO UG LTFRB-10 DIR. GURO, SALUDO KANG GOV. EMANO

Posted: March 16, 2020

89553228_563257424285280_2932555372801556480_o

WALA matago ni Land Transportation Office – 10 Regional Director Nelson Manaloto ug Land Transportation Franchising and Regulatory Board – 10 Regional Director Aminoden Guro ang ilang dakung kalipay sa suporta ni Gobernador Bambi Emano ngadto sa Public Utility Vehicle Modernization Program (PUVMP) sa Department of Transportation.

Matud sa duha ka opisyal, talagsaon lamang ang susama ni Gobernador Emano nga naglantaw uyamot nga walay mapihig nga katawhan, hilabina sa hisgotanang pag-modernize kon pag-upgrade sa pampublikong transportasyon. Matud pa nila, nag-inusarang Local Government Unit (LGU) ang Misamis Oriental dinhi sa Pilipinas nga adunay gitunol nga ayuda ngadto sa tanang apektado sa bag-ong programa sa gobyerno.

“Ngayon lang po nangyari…katulad ng sabi ko kanina, na ang isang local government unit nagbigay ng subsidy sa mga public utility vehicle cooperative…transport group. Ngayon lang po nangyari sa mga marginalized sector ng ating society…ng ating mga driver na nangangailangan ng tulong,” sulti pa ni Dir. Manaloto atol sa gipahigayong PUVMP launching sa kapitolyo, Marso 6, 2020.

“So far, umiikot sa buong Pilipinas (ang LTFRB) ngayon lang siya naka encounter na ang LGU Provincial government…kahit ‘yong mga city o municipal government, walang nagbigay ng ganyang subsidy, ito lang ang Provincial Government ng Misamis Oriental sa buong Pilipinas,” dugang ni Dir. Manaloto.

Sa iyang bahin, dili maihap ang higayon nga gibalik-balik ni Dir. Guru nga malipayon kaayo kini sa counterpart ni Gobernador Bambi, aron walay mapihig nga driver ug operator sa pag-arangkada sa modernization program.

Atol sa PUVMP launching, gisubli ni Gobernador Emano ang iyang gibuhiang pulong ngadto sa agrabyadong transport groups nga andam ang iyang buhatan mohatag ug subsidy nga P70,000 matag indibidwal nga interesado mo-avail sa nasangpit nga programa.