MAGSAYSAY ANIMAL QUARANTINE STATION, OPERATIONAL NA

Posted: March 16, 2020

87705481_556132754997747_5767142790689456128_n

OPERATIONAL na ang Magsaysay Animal Quarantine sa Sta. Cruz, Magsaysay, sukad Pebrero, 26, 2020. Tumong niini nga mapalig-on ang kampanya batok sa pagsulod ug gawas sa binuhing mananap nga apektado sa nagkadaiyang virus susama sa African Swine Fever (ASF), bird flu, ug uban pa.

Ang Provincial Veterinary Office sa Misamis Oriental, kauban usab ang mga kawani sa Municipal Veterinary sa Magsaysay ug ang LGU Magsaysay, maoy nagdumala sa nasangpit nga kwarentinas nga gitukod nunot na usab sa kamanduan ni Gobernador Bambi Emano. Mokabat sa kinatibuk-ang kantidad nga P7 milyones kung diin
ang maong gambalay sa pagkakarun migasto pa lamang sa P3.5 milyones nga adunay gidak-on nga 300 metro kwadrado.

Tanan sakyanan nga muagi sa quarantine station nga aduany karga, pangayoan sa papeles ug kung wala kini kumpleto nga papeles, dili kini mahimong molabang ug mahimong kompiskahon ang karga niini sa suspetsado nga nagbitbit sa kagaw.

Ang kwarentinas dakung tabang sa paningkamot ni Gobernador Bambi Emano nga dili mataptan sa bisan unsang matang sa sakit ang mga binuhing mananap sa katawhan sa Misamis Oriental, hilabina intawo niadtong mao lamang ang gisaligan sa ilang panginabuhian.