MARAWI STUDENTS, NAKADAWAT HINABANG GIKAN’S KAPITOLYO

Posted: April 23, 2020

93640534_591842894760066_6520144170785439744_n

NAHUPAY intawon sa ilang hilabihan nga kabalaka ug kagutom ang pipila ka magtutungha sa Mindanao State University (MSU) Marawi City, human sila makadawat og ayudang pinasiyal gikan sa panudlanan sa kapitolyo probinsiyal sa Misamis Oriental.

Gikabutyag nga tag-P3, 000 ang ilang nadawat gikan kang Gov. Bambi Emano, human maabtan sa lockdown sa lugar tungod sa coronavirus disease 2019 (COVID-19).

Mikabat sa 17 ka magtutungha ug 1 ka magtutudlo ang stranded intawon sa Marawi tungod sa lockdown. Sila si Reynaldo Antipolo, Rodgen, Rosco, Karla Charizze Yu, Ed Vincent Loue Aloyon, Ruvie Pearl Araneta, Hummeegen Quidet, Softly Love Catayas, Joshua Miguel Amaton, Jezreel Martinez, Rosevie Ruarie Ramis, Honey Joyce Valmocina, Shiela May Saway, Rj Lagrosas, Jarol Del Anota, Necodiel Ganancial, Jolana Hope Pasicaran, ug Mitz Cruzada.
Pinaagi sa Provincial Social Welfare and Development Office (PSWDO), sa pagpangulo ni Mr. Jhunleymar Abella, gilayong nagpadala sa hinabang nga kwarta, aron maggamit sa stranded MSU students.

“Thank you, Misamis Oriental. Salamat kaayo sa dako nga hinabang nga among nadawatan nga maoy magsustento sa amoa,” sulti pa ni Rosco nga taga Opol. Si Rodgen Rosco, nga mulupyo sa Opol, usa sa mga studyante nga nakadawat sa ayuda gikan sa pangagamhanang lokal dako ang kalipay nga nakadawat siya sa giingong ayuda.