Mikortesiya ang Acting Registrar of Deeds sa Misamis Oriental nga si Atty. Cipriano Benedicto Ratunil kang Governor Juliette Uy isip kabahin sa pagpalig-on sa koordinasyon tali iyang opisina ug sa lokal nga kagamhanan. Sa maong panagtagbo gipahibalo ni Atty. Ratunil ang kasamtangan kahimtang sa ilang opisina lakip na ang mga serbisyo nga ginatanyag alang sa kahapsay nga pagproseso sa mga dokumento sa yuta.
Gihisgutan usab ang mga pamaagi aron mapadali ang serbisyo publiko ilabi na sa pagparehistro sa mga titulo ug uban pang mga legal nga dokumento nga adunay dakong papel sa kalambuan sa lalawigan. Gipadayag sa Inahan sa lalawigan ang iyang suporta sa mga inisyatiba sa Registry of Deeds ug gipasiugda ang importansya sa transparency ug efficiency nga serbisyo alang sa matag MIsamisnon.
Pinaagi sa pagtinabangay mas mapalambo pa ang serbisyo sa gobyerno ug masiguro ang kasaligan nga pagdumala sa mga record sa yuta sa tibuok lalawigan.
By: Ellen Mae Lahinao/PIO
Hulagway kuha ni: Marvin Gilig/PIO
